Рускиот министер за надворешни работи, Сергеј Лавров изјави дека поради ситуацијата во Сирија Москва не може да го поддржи западниот предлог за резолуција против режимот на сирискиот претседател Башар ал-Асад. Лавров рече дека сириската опозиција тврди дека сега во Сирија се одвива решавачката битка меѓу Владата и опозицијата. Лавров вели дека со таква резолуција би се сигнализирало дека ОН даваат целосна поддршка на револуционерното движење, а такво нешто Обединетите нации не можат да сторат. Денеска се очекува Советот за безбедност на ОН да гласа за резолуцијата за Сирија.