Македонската полиција трага по две лица кои синоќа го запалиле македонското знаме пред општината Чаир. Тие, како што соопшти МВР, најпрвин ги симнале од јарболите и македонското и албанското знаме, по што го запалиле македонското, а албанското го оставиле пред влезот на општината. Во јануари годинава стружанецот Минир Исмаили го запали македонското знаме пред општинската зграда во Струга. Тој е осуден на казна затвор од пет месеци поради предизвикување расна и етничка омраза.