Во Античкиот театар во Охрид вечер ќе биде отворено 52то издание на ,,Охридско лето,, најголемата музичко сценска манифестација во земјата. Фестивалот ќе биде отворен со театарскиот ораториум „Ромео и Јулија,, во чија реализација ќе бидат вклучени повеќе од двеста македонски и интернационални уметници. Во текот на 40-те фестивалски денови, на сцените на Долни Сарај, Античкиот театар, црквата Света Софија и нејзиното предворје, но и во Заливот на коските ќе бидат изведени девет театарски претстави од кои пет премиери и две праизведби, како и голем број настапи на музичари од светот.