Судот за воени злосторства во Хаг му изрече казна затвор од две години на Воислав Шешељ за непочитување на судот. Имено, тој, на неговата интернет страница ги објавувал заштитените сведоци и не ја почитувал наредбата на судот да ги отстрани. Инаку, на Шешељ во Хаг му се суди за воени злосторства за време на војните во поранешна Југославија во 90-тите години, а пресудата се очекува да му биде изречена во март, наредната година.