Претседателот на Република Македонија Ѓорге Иванов од денеска до сабота ќе учествува на 23-тата годишна сесија на Форумот Кран Монтана, кој годинава се одржува во Баку, Азербејџан. Во фокусот на сесијата ќе бидат перспективите на јавното и приватното управување со енергетските потенцијали, како и креирањето нови и одржливи енергетски политики во однос на производството, дистрибуцијата и безбедноста на енергијата. Претседателот Иванов ќе се обрати на официјалното отворање на Форумот, на кое централна тема ќе биде „Како да се обезбеди подобар свет во услови на глобализација? – Два клучни предизвика: Борба против сиромаштијата и подобрување на управувањето со јавните политики“.
На годинешната сесија на Форумот во Азербејџан, ќе учествуваат голем број актуелни и поранешни шефови на држави, министри, високи претставници на меѓународни организации и мултинационални корпорации.
На маргините на Форумот, претседателот Иванов ќе има неколку билатерални средби, се вели во соопштението од неговиот кабинет.
На годинешната сесија на Форумот во Азербејџан, ќе учествуваат голем број актуелни и поранешни шефови на држави, министри, високи претставници на меѓународни организации и мултинационални корпорации.
На маргините на Форумот, претседателот Иванов ќе има неколку билатерални средби, се вели во соопштението од неговиот кабинет.