Обединетите нации тврдат дека сиријските владини сили направиле прекршоци на човековите права, вклучувајки и егзекуции, во изминативе три месеци. Инспекторите велат дека расте бројот на сиријски цивили кои стануваат мета на сиријските сили врз основ на религиозна определба. Претходно се напаѓаа лица кои му се противат на претседателот Башар Ал Асад. Инспекторите велат дека се уште не знаат кој го извршил масакрот на 100 лица во градот Хула.
