Во рамки на четвртфиналето на Евро 2012 во фудбал, вечерва во Варшава се среќаваат репрезентациите на Чешка и на Португалија. Чесите ќе се обидат да го повторат успехот од 1996 година, кога ги победија Португалците на патот кон финалето на Европското првенство. Подоцна Чешка загуби од Германија. Чесите можеби повторно ќе играат без капитенот на тимот Томас Росицки, кој е повреден. А од португалската суперѕвезда Роналдо ќе се бара да го повтори успехот што го имаше против Чешка во 2008 година кога тој постигна два од трите гола против Чешка на Европското првенство во Австрија и Швајцарија.
