Американскиот државен секретар Хилари Клинтон ќе отпатува на тура на неколку европски земји кон крајот на месецов, соопштија од американскиот Стејт Департмент. Клинтон ќе присуствува на меѓународен форум на тема „Жените во економијата„ во Санкт Петерсбург, по посетата на Финска и Латвија. Портпаролот на Стејт департментот Викторија Нуланд изјави дека државниот секретар во Русија ќе се сретне со рускиот министер за надворешни работи Сергеи Лавров.
