Француската полиција соопшти дека човекот кој држеше во заложништво четири лица во градот Тулуз бил уапсен. Претставник на регионалните полициски сили изјави дека вооружениот напаѓач бил повреден при полициската интервенција. Заложниците не се повредени. Соопштенито од полицијата стигна недолго откако се слушнаа неколку истрели во банката каде настана заложничката драма. Уапсениот тврдеше дека има врски со терористичката Ал каеда.
