Египетскиот владеачки Воен совет потврди дека прави планови за предавање на власта на новоизбраниот претседател до крајот на месецов. Висок претставник на воениот совет, Генерал – Мајор Мохамед ал – Асар во изјава за медиумите вели дека за примопредавањето ќе се опрганизира грандиозна церемонија. За сега не е познат точниот датум. Победникот на претседателските избори во земјата ќе биде познат во четврток. Муслиманското Братство прогласи победа на нивниот кандидат Мохамед Мурси, повикувајки се на прелиминарни неофицијални резултати.
