Владата на Белорусија ја осуди декларацијата на американскиот претседател Барак Обама во која се оценува дека акциите на официјален Минск продолжуваат да претставуваат закана за националната безбедност и за надворешната политика на Соединетите држави. Со оваа резолуција всушност остануваат во сила санкциите против одредени белоруски официјални личности и компании.