Се влошува здравствената состојба на поранешниот претседател на Египет Хосни Мубарак, кој отслужува доживотна затворска казна. Надлежните во затворот Тора во близина на Каиро велат дека екс-лидерот морал да биде реанимиран поради тоа што му запрело срцето. Мубарак владееше со Египет три децении пред да отстапи во екот на протестите против неговиот режим. Осумдесет и четири годишниот лидер е осуден за инволвираност во убиствата на демонстранти за време на немирите во земјата.