Трудна жена на пат кон породилна клиника загинала во експлозија на бомба поставена покрај пат, соопштија авганистанските власти. Во инцидентот загинале уште четири лица – роднини на трудницата, соопштија од авганистанското Министерство за внатрешни работи. Бомбата, како што велат од министерството, ја поставиле „непријатели на мирот и стабилноста“, термин со кој често се опишуваат талибанските милитанти. Од Обединетите нации тврдат дека талибанците се одговорни за 80 отсто од смртните случаи во Авганистан.
