Американскиот претседател Барак Обама ги повика лидерите на Европската Унија да превземат јасна акција за справување со финансиската криза во евро-зоната. Зборувајки во Белата Куќа, Обама се заложи за финансиска инјекција во слабите европски банки и унифицирани буџетски и банкарски политики. Обама оцени дека европските лидери ја сфаќаат сериозноста на ситуацијата и итната потреба од акција. За Грција, Обама смета дека доколку излезе од евро-зоната, ќе се соочи со уште полоша ситуација. Рецесијата во Европа ќе ја погоди и американската економија, рече Обама, повикувајки го Конгресот да размисли за прифаќање на неговиот план од 2011-та година за отворање нови работни места.