Здравствената состојба на поранешниот претседател на Египет Хосни Мубарак наводно се влошува, откако екс-лидерот беше осуден на доживотна казна затвор, по протестите против неговто владеење минатата година. Затворските стражари велат дека докторите го приклучиле Мубарак на кислород во текот на ноќта. Египетската новинска агенција МЕНА јави дека екс-претседателот пати од акутна депресија и хипертензија откако пристигнал во затврот Тора, јужно од Каиро.
