Панета во посета на Авганистан

Американскиот секретар за одбрана Леон Панета пристигна во ненајавена посета на Авганистан на разговори со воените команданти. Панета престојува во Авганистан еден ден откако во таа земја се случија три самоубиствени напади во кои загинаа 22 луѓе. Исто така авганистанските власти соопштија дека во воздушни напади на НАТО биле убиени 18 цивили. До крајот на септември годинава, Авганистан треба да го напуштат 23 илјади американски војници.