Шефицата за надворешна политика на Европската унија Кетрин Ештон разговараше со министерот за надворешни работи на Пакистан за отпочнување на стратешки дијалог насочен кон подобрување на економските, безбедносните и политичките врски меѓу земјата и унијата. Ештон и министерот Хина Рабани по средбата во Исламбад изразија надеж за подобрување на односите меѓу ЕУ и Пакистан. Ештон рече дека двете страни се „близу до имплементацијата на преференцијалниот договор за трговија“. Шефицата за надворешна политика рече дека Унијата е свесна за предизвиците со кои се соочува Пакистан додавајки дека се вложуваат напори за формирање на долгорочни одржливи односи.