Советот за национална безбедност на Србија на денешната вонредна седница по повод денешните инциденти на северот на Косово констатира дека сериозно била загрозена безбедноста на граѓаните. Советот ги повика КФОР и УНМИК, во рамките на нивните мандати, да ги спречат обидите на косовските власти во Приштина за предизвикување нестабилност и страв меѓу српското население. Претседателката на Косово Атифете Јахјага во денешното соопштение, го осуди насилството против мировните сили на НАТО. Денесдка КФОР отстрани две барикади во општина Звечан, а во судирите кај село Рударе биле повредени најмалку тројца срби и двајца војници на КФОР.
