Бројот на бегалците и на расселните лица во светот ќе порасне во наредните 10 години поради воените конфликти, климатските промени, растот на популацијата и недостигот на храна. Ова се наведува во најновиот извештај на Комесаријатот на Обединетите нации за бегалци. Во него се прецизира дека од 2006 до 2011 година имало 26 милиони внатрешно расселени лица и околу 16 милиони кои биле принудени да ги напуштат нивните земји и да побараат азил.
