Агенцијата за оценка на кредитниот рејтинг Фич вчера го намали рејтингот на Грција за еден степен од „Б-“ на „ЦЦЦ“. Причина за тоа е зголемениот ризик од принудно излегување на земјата од еврозоната. Во соопштението на Фич се наведува дека намалувањето на рејтингот доаѓа по добрите изборни резултати на партиите, кои се противат на мерките за штедење и поради неуспехот по изборите од 6 мај да се формира влада. Нови избори во Грција се закажани за 17 јуни.
