Иранската влада најави тужба против компанијата „Гугл“ поради одлуката на интернет гигантот да не го обележи Персискиот залив на сервисот за мапи. Портпаролот на иранското министерство за надворешни работи Рамин Мехманпараст се закани дека компанијата ќе се соочи со големи загуби доколку не го врати називот на картата од регионот. Најавата за тужба следи откако „Гугл“ ја остави необележата водената површина меѓу Иран и Aрапскиот полуостров, меѓународно познат како персискиот залив.
