Македонската владина делегација предводена од премиерот Никола Груевски, која е во неколкудневна посета на Кина, денеска на бизнис форум во Шангај, ќе ги претстави можностите за инвестирање во Македонија. Делегацијата ќе има средби и со менаџментот на компанијата за комуникациска технологија „Хуавеј,,. Посетата на Кина владината делегација ја завршува утре со презентација на инвестициските можности на Македонија на бизнис форумот во Хонг Конг.