Собранието на Република Македонија денеска ја почна расправата за Предлогот на опозицијата за измена на Уставот на Република Македонија. Се предлага дополнување на членот 52 став 4 на Уставот на Република Македонија каде е наведено дека законите и другите акти немаат повратно дејство. На тој начин, како што појасни Ана Павловска Данева, ќе се овозможи со оваа уставна одредба да нема застарување на кривичното гонење и извршувањето на казните за кривични дела поврзани со трансформацијата или продажбата на претпријатија со општествен и државен капитал. Што се однесува за делата за кои веќе настапила застареност, овој амандман не содржи дефинитивни решенија.