Командантот на КФОР, германскиот генерал Ерхард Древс, оцени дека промените на границите на Косово можат да доведат до нови поделби на Балканот, што би било закана за мирот и стабилноста во регионот. На церемонијата на смената на командата на борбената единица Запад, Древс им порача на жителите на Косово да не се вртат кон минатото и да работат и мислат за европската интеграција како најдобар пат за иднината на земјата.
