Македонскиот премиер Никола Груевски денеска во Пекинг ќе се обрати на бизнис форумот во рамките на неговата посета на Кина. Најавено е дека ќе биде потпишан меморандум за разбирање меѓу Агенцијата за странски инвестиции и поттикнување на извозот и Кинескиот совет за промоција на меѓународната трговија и соработка. Македонската делегација предводена од премиерот ќе оствари средба и со премиерот на Кина Вен Џиабао и ќе се обрати на бизнис форуми за привлекување странски инвестиции и претставување на можностите за инвестирање во Македонија во Пекинг, Ченгду, Шангај и Хонг Конг.