Путин размислува за зголемување на помошта за Јужна Осетија

Рускиот претседател Владимир Путин рече дека е можно Москва да ја зголеми помошта за отцепениот грузиски регион Јужна Осетија. Ова тој го рече на денешната средба со јужноосетискиот претседател Леонид Тибилов во градот Сочи на Црното Море. Путин рече дека помошта може да се зголеми поради безбедносните, економски и социјални проблеми со кои се соочува регионот. Москва ги призна грузиските отцепени региони Јужна Осетија и Абхазија по краткотрајната руско-грузиска војна во 2008 година.