Хашкиот трибунал за воени злосторства денеска го отфрли барањето на одлагање на судењето на поранешниот генерал на силите на босанските срби Ратко Младиќ кој е обвинет за геноцид за време на војната во Босна и Херцеговина. Судиите потврдија дека судењето ќе почне на предвидениот датум, 16 овој месец. Адвокатот на Младиќ бараше тримесечно одлагање, бидејќи на одбраната и требало повеќе време за да ги проучи наводите на обвинителството.