Шефот на македонската дипломатија Никола Попоски на последниот ден од работната посета на САД се сретна со сенаторот Џемс Веб, член на комитетите за надворешни односи и за одбрана на Сенатот. Тој, како што е соопштено, побарал од сенаторот Веб поддршка за што побрзо Македонија да добие покана за членство во НАТО. Министерот Попоски имаше и обраќање во Брукингс Институтот. Оценувајќи дека билатералните односи се базирани врз долгорочно стратегиско партнерство, министерот Попоски изјави дека очекува принципиелна поддршка од САД за што побрза интеграција на Македонија во НАТО. ,,САД веќе подолго време инвестираат значајни капацитети во стабилноста и просперитетот на регионот, а зачленувањето на Македонија во НАТО ќе претставува заокружување на овој успешен процес и ќе биде силен сигнал за останатите аспиранти за валидноста на политиката на Алијансата за отворени врати,, изјавил министерот Попоски.
Министерот Попоски ја завршува посетата на САД
Министерот за надворешни работи Никола Попоски се сретна со поранешниот американски државен секретар Хенри Кисинџер. Њујорк, 24.02.2012