Министерот за одбрана на Македонија Фатмир Бесими, кој престојува во официјалната посета на Германија, денеска ќе има средба со својот германски колега Томас де Мезиер, како и со парламентарниот државен секретар во германското Министерство за одбрана Кристијан Шмид. На средбите се очекува да бидат разменати мислења и информации во врска со претстојниот Самит на НАТО во Чикаго и заедничкото учество во мисиите со акцент на мисијата ИСАФ, како и за учеството во борбената група на ЕУ. Тема на разговорите ќе бидат и проектите од рамките на регионалната соработка, пред сè за можноста за искористување на капацитетите на регионалните тренинг-центри како што се армискиот полигон „Криволак“ и Воено медицинскиот центар.