Ерменија денеска го одбележува Денот на сеќавање на геноцидот, во чест на околу милион ипол убиени ерменци од страна на отоманските турци пред 95 години. Ерменскиот претседател Серж Саркасијан и други високи функционери денеска положија цвеќиња во меморијалниот центар во Ереван. Саркасијан изјави дека трагедијата не смее да биде заборавена и оти ерменците не треба да ги заборават своите корени. Официјална Анкара отфрла дека се случил геноцид и оти имало толку голем број жртви, а поради овој спор Ерменија и Турција немаат воспоставено дипломатски односи.