Амнести Интернешнел соопшти дека муслиманите во европските земји честопати одбиваат можности за вработување илиу образование поради раширената културна и религиозна дискриминација против нив. Во извештајот, објавен денеска, се содржани заклучоци од истражувањето за животот на муслиманите во Франција, Белгија, Шпанија и Холандија. Една од констатациите е дека луѓето што носат одредени делови од облека поврзани со исламот, имаат помали можности за вработување и образование, главно поради предрасудите. Амнести интернешнел наведува дека перцепцијата за муслиманите во европските земји е дека тие се добри се додека не се премногу видливи.
