Советот за безбедност на ОН изгласа зголемување на бројот на набљудувачи на ОН во Сирија на 300 за три месеци. Со руско-европската нацрт-резолуција, која едногласно беше прифатена од сите 15 членки на Советот за безбедност, исто така се бара итен прекин на насилствата. Во моментов во Сирија има мал број набљудувачи на ОН кои треба да го мониторираат прекинот на огнот по 13-месечниот конфликт меѓу владините сили и бунтовниците.
