Јапонија се согласи да отпише повеќе од 3,7 милијарди долари од долгот на Мјанмар и да продолжи со помошта за развој. Ова го соопштија јапонскиот премиер Јошихико Нода и претседателот на Мјанмар Теин Сеин по разговорите што се одржаа во Токио. Двете страни се согласија и за планот за изградба на специјална економска зона во близина на Рангун. Ова е прва посета на еден бурмански лидер на Јапонија по речиси три децении.
