Стотина претежно млади лица протестираа попладнево пред владата на Република Македонија поради минатонеделното петкратно убиство во близина на Скопје, јави репортерот на Радио Слободна Европа. Тие фрлале и камења кон полицијата, зградата и врз новинарите кои го следеле протестот кој делумно продолжил и пред Собранието. Во насилните протести оштетени се полициски возила и дел од зградите во централното гратско подрачје. Групите се организирале на протест преку социјалните мрежи. Министерката за внатрешни работи претходно на прес конференција се осврна и на јавните собири во знак на револт за убиството и порача тие да поминат мирно. „Апелираме до граѓаните доколку одлучат да дадат поддршка на некои од овие јавни собирања тоа да го прават мирно бидејќи секој полициски службеник ни е драгоцен и е многу покорисен доколку работи на расчистување на кривичното дело наспроти обезбедување на било кој настан“, рече Јанкулоска.
