Саиф ал Ислам Гадафи, најпознатиот син на поранешниот либијски лидер Моамер Гадфи, нема да му биде предаден на Меѓународниот кривичен суд. Либијското министерство за правда соопшти дека ќе му биде судено во Либија за корупција, убиства и силувања. Саиф ал Ислам се наоѓа во таен затвор откако беше уапсен во минатата година. Од тогаш Меѓународниот суд кој има покреното потерница против него бара израчување на Саиф ал Ислам Гадафи.
