Во Атина дошло до судир меѓу демонстрантите и полицијата по самоубиството на еден пензионер пред зградата на грчкиот Парламент. Стотици демонстранти се собраа синоќа пред зградата на Парламентот, при што дојде до насилство на што полицијата одговори со солзавец. Седумдесет и седум годишниот Димитрис Христулас се уби вчера на плоштадот Синтагма. Во прошталното писмо, кое го пренесоа грчките медиуми, тој ја обвини Владата дека неговта пензија била толку намалена, што станала безвредна. Христулас бил пензиониран хемичар.
