Неколку стотици студенти демонстрираа во авганистанскиот град Џалалабад во знак на протест поради убивањето на 16 цивили од страна на еден американски војник пред два дена. Тие извикувале антиамерикански пораки и барале судењето против војникот да биде јавно. Во Авганистан се зголеми антиамериканското расположение откако во минатиот месец во една воена база во близина на Кабул беа запалени копии на Куранот.