Израелскиот премиер Банјамин Нетанјаху вчера во Ерусалим по враќањето од посетата на Вашингтон изјави дека Израел ќе им даде шанса на санкциите против Иран и оти нема да ги нападне иранските нуклеарни инсталации во наредните денови или недели. Нетанјаху го уверил американскиот претседател Барак Обама дека Израел нема донесено одлука за напаѓање на иранските нуклеарни постројки, но и оти не ја исклучува воената опција.
