Генералниот секретар на НАТО Андрес Фог Расмусен телефонски му ја честитал победата на Владимир Путин на претседателските избори во Русија. Според соопштението, Расмусен и Путин се договориле да остварат средба во блиска иднина. Путин ја истакнал својата заложба за добри и стабилни односи со Алијансата. Расмусен пак изразил надеж за постигнување на договор меѓу НАТО и Русија за европскиот ракетен одбрамбен систем.