Меѓународната агенција за атомска енергија соопшти дека Иран ги интензивирал своите активности за збогатување ураниум и сега нуклеарните капацитети на таа земја биле зголемени за трипати. Во најновиот извештај МААЕ изразува загриженост поради неуспешната мисија на екипата контролори на Агенцијата која неделава престојуваше во Иран. Исто така се наведува дека Агенцијата е загрижена и за можната воена димензија на иранската нуклеарна програма.
