Министерот за одбрана Фатмир Бесими денеска ќе престојува во еднодневна официјална посета на Косово. Посетата на Приштина, првично планирана за 13 февруари, беше одложена поради лошите временски услови. Бесими ќе се сретне со министерот на Косовските безбедносни сили Агим Чеку, со командантот на КБС генерал потполковник Кадри Кастрати и со вицепремиерот на Косово Хајредин Кучи. За време на посетата е предвидено потпишување План за билатерална соработка за 2012 година, со кој се утврдени можностите за користење на македонските расположливи капацитети: Полигонот Криволак, Регионалниот тренинг центар за комуникации и Воено медицинскиот центар, како и школување на питомци од Косово на Воената Академија во Скопје.
