Шефот на иранската национална компанија за нафта, Ахмад Џалебани се закани дека земјата ќе го прекине извозот на нафта и во други земји од ЕУ, доколку продолжат непријателските активности кон Иран. Изјавата на Џалебани е ден по одлуката на иранските власти да ја прекинат продажбата на нафта на британските и француските компании, поради санкциите на ЕУ за нуклеарната програма на земјата.