Генералното собрание на ОН ја усвои необврзувачката резолуција со која се одобрува планот на Арапската лига со кој се повикува сирискиот претседател Башар ал-Асад да ја напушти функцијата. Од 193 членки на Генералното собрание, 137 гласаа „за“, 12 беа „против“, а 17 беа воздржани. Резолуцијата е слична со онаа на која Кина и Русија ставија вето на 4 февруари. Кина и Русија повторно гласаа против резолуцијата, која исто така повикува на прекина на насилството против цивилите во Сирија преку прифаќање на планот на Арапската лига.
