Претседателот на собраниската Комисија за надворешна политика Антонио Милошоски денеска испрати писма до своите колеги, претседатели на комисиите за надворешни работи на земјите членки на ЕУ, во кое бара поддршка и лобирање во Советот на ЕУ за донесување одлука за определување датум за преговори на Македонија со Унијата. Во писмото се наведува дека за надминување на спорот за името, потребно е двете страни да дадат конструктивен придонес, но оти Грција, поради последиците од должничката криза е целосно дефокусирана од разговорите, а високата цена за ваквата непосветеност ја плаќа Македонија.