Евентуалното излегување на Грција од еврозоната би предизвикало економски и кредитен хаос, изјави францускиот министер за надворешни работи Ален Жипе, дополнувајќи дека она што сега се бара од Грција е многу болно и многу тешко. Жипе изрази разбирање за реакциите во Грција, но смета дека новите економски мерки кои беа изгласани од грчкиот парламент треба да се реализираат за да се стабилизираат берзите и економската криза да биде совладана.
