Американскиот претседател Барак Обама денеска ја обвини владата на сирискиот претседател Башар ал-Асад за убиство на цивили во градот Хомс.
„Асад мора да запре со убиства и злосторства против сопствениот народ. Тој мора да се тргне настрана и да дозволи демократска транзиција“, изјави Обама.
Соопштението на Обама следува по вчерашните напади во Хомс, во кои според активистите за човекови права, загинале 217 луѓе, а стотици биле повредени.
Сириската државна новинска агенција САНА, денеска објави дека за смртта на цивилите се виновни „вооружени терористички групи“ и обвини дека сателитските телевизиски канали ги искривуваат и фалсификуваат информациите.
Нападите во Хомс ги осудија и многу други светски лидери.
Францускиот министер за надворешни работи Алан Жипе нападите ги нарече „чекор кон дивјаштво“ и „криминал против човештвото“, од страна на режимот во Дамаск.
Туниските власти соопштија дека повеќе не го признаваат режимот на Асад и ќе го протераат сирискиот амбасадор од Тунис.
Советот за безбедност на ОН денеска во Њујорк ќе ја разгледува нацрт резолуцијата со која се бара крај на насилството во Сирија.
„Асад мора да запре со убиства и злосторства против сопствениот народ. Тој мора да се тргне настрана и да дозволи демократска транзиција“, изјави Обама.
Соопштението на Обама следува по вчерашните напади во Хомс, во кои според активистите за човекови права, загинале 217 луѓе, а стотици биле повредени.
Сириската државна новинска агенција САНА, денеска објави дека за смртта на цивилите се виновни „вооружени терористички групи“ и обвини дека сателитските телевизиски канали ги искривуваат и фалсификуваат информациите.
Нападите во Хомс ги осудија и многу други светски лидери.
Францускиот министер за надворешни работи Алан Жипе нападите ги нарече „чекор кон дивјаштво“ и „криминал против човештвото“, од страна на режимот во Дамаск.
Туниските власти соопштија дека повеќе не го признаваат режимот на Асад и ќе го протераат сирискиот амбасадор од Тунис.
Советот за безбедност на ОН денеска во Њујорк ќе ја разгледува нацрт резолуцијата со која се бара крај на насилството во Сирија.