Народниот театар од Штип е принуден наредната седмица да ги одложи сите претстави на репертоарот по извршената кражба на тонската миксета и це-де плеерите од засега непознати сторители. Директорката на Центарот за култура „Ацо Шопов“, Наташа Маневска го осудува вандалскиот чин, бидејќи крадците ги исекле и сите кабли, кои неодамна се набавени за да се подобрат условите и непречено да се одвиваат претставите.
