Се одржуваат парламентарни избори во Казахстан, по кои се очекува земјата да излезе од традиционалниот еднопартиски систем. Најмалку една од шесте опозициски партии, што и се спротивставуваат на владејачката Нур Отан на долгогодишниот претседател Нурсултан Назарбаев, гарантирано влегува во 107-члениот Долен дом на парламентот, односно Мaџилисот, дури и ако не го помине законскиот лимит од 7 отсто. Измените во изборниот законик дојдоа по крвавите протести во градот Жанаозен на западот на земјата, што избувнаа за време и по штрајкот на работниците од нафтената индустрија.
