Американскиот државен секретар Хилари Клинтон изрази длабоко сочувство по повод смртта на, како што се наведува во нејзината телеграма, првиот претседател на Република Македонија. Оценувајќи дека Киро Глигоров беше патриот и вистински државник Клинтон во телеграмата наведува: ,,Неговата посветеност кон независноста на Македонија доведе до мирна транзиција во 1990-1991, а неговото стабилно лидерство претставуваше инспирација додека Македонија надминуваше огромни тешкотии. Претседателот Глигоров беше пријател на Соединетите држави и лидер кој имаше визија за својата земја и се уште служи како пример за Македонија и за регионот. Моите мисли и молитви се со неговото семејство и сите граѓани на Македонија.,,