Шефицата за заедничка надворешна политика на ЕУ Кетрин Ештон изрази жалење, откако Апелациониот суд во Киев ја потврди казната од 7 години затвор за поранешната украинска премиерка Јулија Тимошенко. Ештон ги потсети украинските власти дека владеењето на правото е неопходно за подобри односи со ЕУ. Таа оцени дека жалбената постапка не ги решила пропустите од првото судење и оцени дека „прашањето за селективна правда во Украина продолжува да бара внимание“.